Non classé

Quau vend (e quau crompa) d’armas dins lo mond ?

Lo comèrci internacionau d’armament bat de recòrds dempuèi la Guèrra Freda. Leis importacions au Prèp Orient se duplican, leis Estats Units e Euròpa se mantenon coma principaus provedidors, dau temps que la China ganha dau terren.

Quau vend leis armas?
Leis Estats Units, Russia, la China, França e Alemanha, principaus exportadors.

75% deis armas que se vendon dins lo mond son estats fabricadas pels cinc grands exportadors: en primièr luòc, leis Estats Units, seguits de Russia, la China, França e Alemanda. Leis Estats Units, primièra poténcia armamentística de la planeta (expòrta un tèrç deis armas que se vendon lo mond), a aumentat lei siás exportacions de 21% dempuèi 2011. Gaireben la mitat deis armas nòrd-americanas acaban au Prèp Orient. « Leis Estats Units envian d’armas dins almens 100 pais d’arreu dau mond, fòrça mai que quin autre provedidor que siá », alèrta Aude Fleurant, director dau programa de despenuda militara dau SIPRI. Entre la produccion nòrd-americana destacan leis avions de guèrra de nòva generacion e lei sistèmas de defensa antimíssils. Per çò qu’es de Russia, es responsable de 23% dau comèrci mondiau e vend sustot a l’Índia, au Vietnam, a la China e l’Algèria.

La China se consolida tanben coma país exportador d’armas: se fins a 2011 èra responsable de 3,8% dau comèrci mondiau, o es ara de 6,2%, per davant França e d’Alemanha.
Quau lei crompa?
La demanda se tira entre lei monarquias dau Gòlf, e l’Índia se manten coma principau importador.

Lei monarquias dau Gòlf se son armadas fins aus dents davant l’ondada de cambiament dins lo mond arab, qu’esclatèt amb la revolucion tunisiana de 2011. Leis importacions d’armas au Prèp Orient an crescut de 82% dempuèi alavetz. L’Arabia Saudita, segond grand importador mondiau, aumentèt lei siás crompas de 212%, maugrat lei dificultats financièras que travèrsa lo reialme wahhabita per la casuda dau prètz mondial dau petròli. Fòrça d’aquelas armas s’emplegan en una guèrra sens trèva au Iemèn qu’a causat de centenats de victimas civilas. Leis importacions d’armas au Qatar se son tirats de 245%. « La majoritat deis estats de la region an virat cap aus Estats Units e Euròpa en la siá corsa per aténher de capacitats militaras avançadas », explica Pieter Wezeman, investigador dau SIPRI. « Maugrat la casuda dau prètz dau petròli, lei pais de la region contunhan de crompar mai d’armas, perque lei veson coma un esturment vital per afrontar lei conflictes e lei tensions regionalas ». Lo meteis es passat a Algèria, que concentra gaireben la mitat de totei leis importacions de l’Africa.

Mas lo país qu’impòrta mai armas dins lo mond es l’Índia, en disputa amb la China e lo Pakistan, lei sieus rivaus regionaus. Tanben lo Vietnam, qu’es passat dau luòc 29 au classament de importadors fins a la posicion numèro 10, après que leis Estats Units venguèsson de levar l’embarg d’armas que pesava sul país coma un dei darrièrs vestigis de la guèrra. Lo SIPRI alèrta que lo continent asiatic dispausa pas d’instruments de contraròtle per evitar l’expansion de lei sieus arsenals.

font-sipri-grafic-esther-utrilla_1745835588_38898801_1500x846

Advertisements

Laissar un commentari

Fill in your details below or click an icon to log in:

WordPress.com Logo

You are commenting using your WordPress.com account. Log Out / Cambiar )

Twitter picture

You are commenting using your Twitter account. Log Out / Cambiar )

Facebook photo

You are commenting using your Facebook account. Log Out / Cambiar )

Google+ photo

You are commenting using your Google+ account. Log Out / Cambiar )

Connecting to %s